പുണ്യപ്രവാചകന് മുഹമ്മദ് നബി (സ്വ) തന്റെ അനുയായികള്
ഇരിക്കുന്ന സദസ്സിലേക്ക് കടന്നുവരികയാണ്.
ബഹുമാനാദരവുകളോടെ സദസ്യര് എഴുന്നേറ്റുനിന്നപ്പോള് പ്രവാചകന് 'അരുത്, അരുതെ'ന്ന് ആംഗ്യം കാണിച്ചു.
പിന്നെ പുഞ്ചിരിച്ചുകൊണ്ട് പറഞ്ഞു:
"നിങ്ങള് എന്നെ കാണുമ്പോള് എഴുന്നേറ്റു നില്ക്കരുത്.!!!"
പ്രവാചകാനുയായികളുടെ മനസ്സുകളിലപ്പോള്ഒരൊറ്റ
ചിന്തമാത്രമായിരിക്കാം.
'തിരുദൂതരെ കാണുമ്പോള് എഴുന്നേറ്റു നിന്നില്ലെങ്കില് പിന്നെ
ലോകത്ത് ആരെക്കാണുമ്പോഴാ ഞങ്ങളെഴുന്നേറ്റു നില്ക്കേണ്ടത്!!!'
അതൊരു സത്യമാണ്. ഒരു മുസ്ലിമിനെ സംബന്ധിച്ചിടത്തോളം
പുണ്യനബിയെ കഴിഞ്ഞേയുള്ളൂ, ആരും! എന്തും!
പുണ്യ നബിതുടരുകയാണ്:
"എന്തിനു നിങ്ങളെന്നെക്കാണുമ്പോള് എന്തിന് എഴുന്നേറ്റുനില്ക്കണം? ഞാനാരാ...? "
"ആരാ..? "
പ്രവാചകന് എന്താണു പറയുന്നതെന്നറിയാന് അവര് കാതുകൂര്പ്പിച്ചു.
അവിടുന്ന് മൊഴിഞ്ഞു:
"ഞാനാരാണെന്നറിയാമോ..?
ഞാനാരാണെന്നറിയാമോ..?
കേവലം ഒട്ടകത്തിന്റെ കുളമ്പുമാംസം പോലും ഭക്ഷിച്ചിരുന്ന
മക്കത്തെ ഒരു പെണ്ണിന്റെ മോനാണ് ഞാന്...!"
അത്രയും നിസ്സാരനായ തന്നെക്കാണുമ്പോള് നിങ്ങള് എഴുന്നേറ്റു
നില്ക്കേണ്ടതില്ലെന്ന് പറഞ്ഞ് വിനയത്തിന്റെ അങ്ങേയറ്റം
കാണിച്ചുതന്ന പ്രവാചകാ,
സര്വശക്തനായ തമ്പുരാന് അങ്ങയെക്കുറിച്ചാണല്ലോ പറഞ്ഞത്,
"വ റഫഅ്നാ ലക ദിക്റക്!" എന്ന്!
അതുകൊണ്ടാണല്ലോ ഒരു സെക്കന്റ് പോലും ഇടതടവില്ലാതെ ലോകത്തിന്റെ അഷ്ടദിക്കില് നിന്നും
"അശ്ഹദു അന്ന മുഹമ്മദര്റസൂലുല്ലാഹ്...!"
എന്ന ധ്വനി മുഴങ്ങുന്നത്...!!!
സ്വല്ലല്ലാഹു അലാ മുഹമ്മദ്
സ്വല്ലല്ലാഹു അലൈഹി വ സല്ലം!
(((((((((((((((( Facebook )))))))))))))))))))
അറിവുള്ളവന് ബഹുമാനം ചോദിച്ചു വാങ്ങുകയില്ല
ReplyDeleteപുണ്യപ്രവാചകന്........
ReplyDeleteആശംസകള്
നബി തിരുമേനിയുടെ എല്ലാ പ്രവര്ത്തികളിലും ഇത്തരം എളിമ കാണാം.
ReplyDelete